2019

      一直以來都自覺是個幸運的人，雖然偶爾都會黑仔/好事冇我份，但係整體來講總會有值得我感恩嘅地方。
      2019年真係漫長又痛苦嘅一年，真係從一開始就係咁⋯⋯同屋企鬧交開年，然後係學業工作，香港，朋友，屋企⋯⋯全部都被命運輾壓一輪。啊，我竟然仲好地地咁坐係到打字，我地一定可以捱過去嘅，係唔係？覺得捱唔住個時，就同自己講，捱多一日，就捱多一日⋯⋯第二日又覺得捱唔住，繼續同自己講，捱多一日，就捱多一日⋯⋯哎，人生呢家野，都係呃呃氹氹嘅啫～
      我係一個怕麻煩嘅人，記性都唔好，特別係關於日子嘅事。但係呢一年教識我一樣野，係要記住，即使麻煩，即使痛苦，都要記住。
      因此，我突然記起好多野，原來我被呢D人傷害過，仲要咁多次，我之前就係唔記得，唔計較，所以縱容咗呢D人竟然夠膽，一而再再而三咁對我。於是情緒爆發咗，可能都有少少遷怒啦～哈哈，唔理，反正你咁對我，我遷怒未遷怒你囉，洗同你申請不反？
      總之，幾乎把自己的所有關係都清理咗一次。嗯⋯⋯係孤單咗嘅，不過可能我咁樣過咗好多年，又覺得好似冇咩影響，又可能我天生毒L，一個人啫～冇問題嘅～
      其實想講嘅係，我地一定捱得過嘅！有D野一定要記住，記住唔係為咗日日生活係仇恨之中，係唔可以俾個D人渣敗類為所欲為，要望實佢哋，要堤防佢哋，要阻止佢哋！
      希望苦難會同2019一齊完結，2020年係香港嘅新開始，係光復咗嘅香港，make Hong Kong great again!